Dead on arrival ti maysa a kapitan kalpasan a pinaltugan dagiti saan pay a nabigbig a idiay Barangay Turod-Patac, Cabugao, Ilocos Sur.
Ti biktima ket agtawen ti tallopulo ket siam, kapitan ken residente ti nadakamat a barangay.
Iti pannakiuman ti Bombo Radyo Vigan ken ni Police Major Pol Areola, us-usaren ti biktima ti cellphone-na iti sangoanan ti maysa a pagtaengan ti nadakamat a barangay idin ta adda nagsardeng a puraw a Toyota pickup a mapapati a nagluganan dagiti dua a saan pay a nabigbig a suspek ket dituy a pinaltugan da ti biktima.
Nagsagaba ti tama ti bala ti paltog iti agduduma a paset ti bagi ti biktima a dagus a naitaray ti balay pagagasan para ti pannakatamingna ngem naideklarar a dead on arrival.
Agtultuloy ti imbestigasion dagiti pannakabagi ti linteg no mano ti tama ti biktima ken no ania ti naaramat a paltog iti insidente.
Kitkitaen met dagiti kapulisan no ania ti motibo ti pammaltog ken mannarimaan ti imbestigasion tapno matunton dagiti suspek.
