VIGAN CITY – Mapilaanen ti kaso a panaglabsing iti Presidential Decree 1602 wenno ti Anti Illegal Gambling Act ni Brgy. Capt. Ernesto Dasalla iti Brgy. Maynganay Sur a karaman kadagiti sangapulo ket innem a nakemmeg a nagsusugal.
Nagpakada ti suspek a mapanna alaen ti motorsiklona gapu ta saanen isuna a makanay iti patrol dagiti pulis a pangiluganan dagiti sangapulo ket innem a suspek nga isu ti nanggundawayannan nga aglibas.
Maipalagip a ti nasao nga opisial ket nakemmeg manen idi kallabes gapu iti pannakainaigna met laeg kadagiti agsusugal iti ilida ngem nagpyansa isu a nawayawayaan.
Nupay kasta, mayuray laengen ti warrant of arrest kontra iti suspek sakbay ti panangtiliw kenkuana dagiti pannakabagi ti linteg ken no mano ti mailatang a pagpiansana.
