VIGAN CITY – Nayuswat ti Robusta Coffee Trade Fair 2022 a naawagan a Kape De Ylocos nga isu ti kaunaan a Coffee Festival iti Ilocos Sur idiay Provincial Farmers Livelihood Development Center iti siudad ti Vigan nga inorganisa ti Provincial Government of Ilocos Sur babaen ti pannakibinnuligda kadagiti local coffee shops ken Coffee Farmers iti nadumaduma nga ili iti probinsia kasta payen ti Ilocos Sur Export Enterprise ken Development Marketing.
Ii pannaki-uman ti Bombo Radyo Vigan ken ni Mishelle San Miguel-Tongson, Chairman iti Ilocos Sur Livelihood Museum, ISEED Marketing Cooperative, gagem ti coffee trade festival a maital-o ti coffee industry manipud iti farm-to-market road ken allukoyen dagiti local nga ipangruna ti local coffee shop nga agilaklako iti local beans.
Makatulong pay ti nasao a coffe trade fair a mapagtalinaed iti pagsapulan dagiti Ilocano ken matulongan dagiti local coffee shop owner.
Nakipaset iti nasao nga aktibidad ti ili a Sigay a Coffee Capital of Ilocos Sur ken kasta payen ti Sugpon, San Emilio, Quirino, Suyo, Del Pilar ken Salcedo nga agpapada amin nga agimulmula iti Robusta Coffee beans kasta payen dagiti nadumaduma a coffee shop iti probinsia.
Tunggal maysa kadagiti nadakamat nga LGU ket adda booth-da a mabalin nga asikgan dagiti interesado kadagiti idiayada a nadumaduma a klase ti coffee beans kas ti medium roast, dark roast, grinded wenno beans.
Nupay kasta, inallukoy ni San Miguel-Tongson dagiti padana nga Ilocano a suportaran ti industria ti kape iti probinsia babaen ti panangsuportada kadagiti mannalon nga agimulmula iti coffee beans ken dagiti local coffee shop nga inapektaran ti pandemya ta patienna a daytoy ket dakkel a tulong kadakuada a maital- ti bassit a negosyoda.
Kabayatanna, ti coffee trade fair ket agpaot agingga October 28, 2022.
