Kapanglawan a nagbalin a presidente, pimmusayen iti tawenna a 89

Pimmusayen ti dati nga Uruguay President a ni Jose Mujica iti tawenna a walopulo ket siam.

Ti dati a guerilla ket nangidaulo idiay Uruguay manipod 2010 agingga 2015.

Naibilang a kapanglawan a presidente iti intero a lubong gapu iti simple a panagbiagna.

Ti pannakatay ni Mujica ket impakaammo ni agdama a President Yamandu Orsi.

Numan pay saanen a naibaga pay ti rason ti nakatayanna ket nagsagaba ni Mujica iti esophageal cancer iti manon a tawen.