--Ads--
VIGAN CITY – Pormalen a nalukatan ti Kannawidan Ylocs Festival 2022 babaen ti panangidaulo ni Gov Ryan Singson iti naaramid a seremonya iti Kannawidan Grounds Tamag, Vigan City.
Segun ken ni Gov SIngson, maragsakan a natuloy met laengen ti panangiselebrar iti piesta ti Ilocos Sur iti baet ti pandemya ngem impasiguradona nga amin nga aktibidad a mapasamak ket naiyannatup iti pagannurotan ti IATF isu nga awan ti rumbeng a pakadanagan dagiti umili.
Innayonna a babaen ti panaglukat dagiti exhibit ket maipakita ti suporta kadagiti local products nga ipampannakkel ti probinsia.
Inawis ti gobernador ti amin a kaprobinsyaanna a dumar-ay kadagiti amin a programa ti Kannawidan tapno makiselebrar ken makipagragsak.
-- ADVERTISEMENT --
