VIGAN CITY – Manamnama nga ita a tawen ket adda dagiti baro a kanta a maipatukar iti Ilocos Sur Dancing Fountain kas pinasingkedan ti mangidaulo a ni Dante Tacata.
Segun ken ni Tacata, napagpatanganda ken ni Gov. Ryan Singson a kasapulan a mai-upgrade dagiti maipatpatukar agsipud ta adu manen dagiti nagruar a baro a kanta.
Kabayatanna, idi rabii, kalpasan iti regular show ti Ilocos Sur Musical Dancing Fountain, naisayangkat ti drone show a nagpaot ti pito a minutos ken fireworks display a nagpaot ti sangapulo a minutos a kas paset pay laeng iti panaglukat ti Kannawidan Ylocos Festival itatta a tawen.
Sakbay dagiti nasao nga aktibidad, naisayangkat pay ti concelebrated mass idiay St. Paul Metropolitan Cathedral ken prusisyon, kasta payen ti Boodle fight idiay Ilocos Sur capitol grounds a kas paset iti opening ceremony iti piyesta ti probinsiya.
