VIGAN CITY – Naiproklaman ti pannangabak kas baro a diputado iti Ilocos Sur 1st District ni dati a Congressman Ronald Singson babaen ken ni Provincial Election Officer Atty. Alipio Castillo.
Napasamak ti proklamasyon iti session hall ti Sanguniang Panlalawigan wenno iti Provincial Farmers Livelihood Development Center a nakapasamakan ti canvassing.
99,376 a botos ti naala ni Cong. Ronald Singson idinto a 73,503 met iti agdama a kongresista a ni DV Savellano.
Iti met 2nd district, naiproklaman a 2nd District Congresswoman ni Kristine Singson nga awan ti kinalabanna.
Ni met incumbent Vice Governor Jerry Singson ti agtugaw kas gobernador ken ni Governor Ryan Luis Singson ti bise gobernador, agpadada nga awan ti kinalabanna.
Naiproklama met dagiti nangabak a bokal iti umuna a distrito a da Bokal Efren Rafanan, Bokal Ronnie Rapanut, Bokal Topeng Baterina, Bokal Doc Art Oandasan ken ni Third Ranches.
Kabayatanna, iti maikadua a distrito ket da Bokal Ericson Singson, Bokal Benjamin Maggay, Bokal Gina Cordero, Boy Gironella ken ni Bokal Mildred Elaydo.
