VIGAN CITY – Nakoronaan a kas Saniata ti Ylocos Sur 2021 ni Donna Faith Cabero iti ili ti Narvacan nga isu pay ti napadayawan a Miss Articulate ken Face of the Night babaen ti naangay a coronation night idiay Ichtus Beach Resort, Alangan, Magsingal.
Saniata ti Ylocos Sur World 2021 ti kandidata iti ili ti San Esteban; Saniata ti Ylocos Sur Tourism ti kandidata iti ili ti Gregorio Del Pilar ken Saniata ti Ylocos Sur Environment ti kandidata iti siudad ti Vigan.
Napadayawan met a kas 1st runner up ti kandidata manipud iti ili ti Caoayan ken 2nd runner up ti kandidata iti ili ti Magsingal.
Kabayatanna, Miss Congeniality ti kandidata iti Santiago; Miss Photogenic ken Darling of the Night ti kandidata iti Sta Maria ken Best Performer ti kandidata iti siudad ti Vigan.
Nakastrek iti Top 14 dagiti kandidata manipud iti ili ti Narvacan, Vigan, Suyo, San Esteban, Magsingal, Sta. Lucia, Nagbukel, Sugpon, Quirino, San Vicente, Caoayan, Gregorio Del Pilar ken Sta. Maria.
