--Ads--
Nagpatulong ti kampo ni Angelica Yulo nga ina ni two-time Olympic gold medalist Carlos Yulo iti National Bureau of Investigation (NBI) tapno maamoan ken makasoan ti panaglabsing ti Anti-Cybercrime Law dagiti agiwar-waras ti peke a post kontra kenkuana.
Pinaglibakan ni Angelica dagiti agwarwaras a makadadael a sarita kontra ken ni Carlos.
Segun ti abogadona a ni Atty. Raymond Fortun, amin a sarita ni Mrs. Yulo ken aniaman man a makadadael ti gagem ti anakna ket saan a pudno, palso ken produkto laeng ti imahinasyon.
Impakaammo pay ti kampoda a posible a makasoan dagiti netizen nga ag-share wenno ag-comment iti nasao a peke a post.
-- ADVERTISEMENT --
