Agtaltalinaed a naannad ti kampo ni Vice President Sara Duterte iti baet dagiti report nga adu a senador iti posible a mangsuportar kenkuana no ag-convene ti Senado kas impeachment court.
Segun ken ni defense spokesperson Atty. Michael Poa, saanda a natalek ti bilang dagiti senador a mabalin a umanamong iti bise presidente gapu ta patangan ti pulitika dayta.
Pinasingkedan ni Poa a napaspas iti panagbaliw iti pulitika isu a saan a mayannatup nga agbilang dagiti senator-judges a maibilang a kaalyado.
Iti agdama, nakatutok ti legal team iti panangpapigsa ti ebidensia ken panagsagana kadagiti testigo para iti posible a proceedings.
Impaganetgetna nga agbotos dagiti senator-judge maibasar ti ebidensia ken testimonia, saan a ti politikal a koneksyon.
