--Ads--
Kiniddaw dagiti abogado ni Vice President Sara Duterte iti Quezon City court nga isanud ti posible nga arrest warrant kontra kenkuana kabayatan a matrat-tratar ti mosyonda a kwestionaran ti hurisdiksion ti korte iti kaso a grave threats.
Segun iti kampo ni Duterte, kas maysa nga impeachable officer, saan a nasken a mapilaan iti kaso wenno kemmegen iti regular a korte kabayatan nga agtaktakem pay laeng.
Ti kaso ket nagtaud kadagiti imbagana idi Nobiembre 2024 mainaig iti mapapati a panangpapatayna kada Presidente Ferdinand Marcos Jr., First Lady Liza Araneta-Marcos, ken dati a House Speaker Martin Romualdez.
Kabayatanna, nagkiddaw met dagiti abogadona iti oral argument tapno matratar ti isyu iti hurisdiksyon.
-- ADVERTISEMENT --
