Kinontra ti lead defense council ni Bise Presidente Sara Duterte ti kiddaw ti prosekusyon a mang-authenticate kadagiti subpoenaed bank documents mainaig iti alegasion nga unexplained wealth.
Pinasingkedan ni Atty. Shiela Sision a salakniban ti Bise presidente ti karbenganna kontra iti self-incrimination ken karbengan nga agulimek maibasar kadagiti desision ti Korte Suprema.
Inlawlawag ni House prosecution Rep. Chel Diokno a ti kiddaw ket nairanta laeng a mangpadaras iti trial ken saan a kasapulan nga aminen ni Duterte ti responsibilidad wenno ti kinapudno ti tunggal detalye iti rekord ti bangko.
Kiniddaw ni Sison nga aniaman nga stipulasion ket maaramid laeng no pormal nga idatag ti prosecution ti ebidensia, idinto a kinuna ni Senate President ken presiding officer Francis Escudero nga ipaulog ti korte ti desision maipapan iti nasao a banag ita a lawas.
