--Ads--
Inawagan a fake news ti defense team ni Vice President Sara Duterte ti report a mapapati a kayat a makipatang ti bise presidente ken ni Pres. Ferdinand Marcos Jr. kagiddan ti impeachment trial-na.
Segun ken ni Defense Counsel Atty. Michael Poa, idi nakasaritana ni VP Sara ket dinakamatna iti nasao a damag ket immannugot daytoy a direkta nga ipakaammo iti publiko a fake news ti nasao a banag.
Kinuna ni Poa a saan nga adayo dayta kadagiti report a nagwaras idin nga isuna ken dadduma pay a tao iti defense ket nabato iti laptop ken dadduma pay.
Panawagan ni Poa iti publiko nga agbalin a naalibtak iti social media ken sapulen laeng dagiti lehitimo a sources tapno maliklikan ti fake news.
-- ADVERTISEMENT --
