Insuko ti kampo ni Senador Ronald ‘Bato’ dela Rosa iti Philippine National Police dagiti 20 a paltog a nairehistro iti naganna idiay Davao City.
Dagiti paltog ket boluntaryo nga insuko ti legal representative-na iti PNP Regional Civil Security Unit 11, ken naikkan met iti official acknowledgment receipt ti kampo ti senador.
Ti addang ket kasaruno ti pannakakanselar ti firearms licenses ni dela Rosa babaen iti PNP Firearms and Explosives Office, gapu kadagiti mapapati a kaso nga adda pakainaiganna iti International Criminal Court (ICC) arrest warrant gapu iti imbestigasion iti war on drugs idi napalabas nga administrasion.
Imbilin pay ti PNP a nasken nga isuko wenno ipasa amin a 117 a paltog a nakarehistro iti nagan ti senador para iti proper disposition.
