Nagballaag ti kampo ti dati a House Speaker Martin Romualdez a posible nga ipilit ni dati a Department of Public Works and Highways (DPWH) Secretary Manuel Bonoan nga iraman ti agpampanday linteg iti imbestigasyon iti Office of the Ombudsman maipanggep ti mapapati a flood control scam.
Segun ken ni Atty. Ade Fajardo a pannakangiwat ni Romualdez, mapapati nga awan iti maipakita nga ebidensia a maikonkonektar ti dati nga Speaker iti kaso ken agtalinaed laeng a mapapati nga alegasyon dagiti pammabasol.
Kinuna ni Fajardo a makapadanag dagiti report a posible nga agtestigo ni Bonoan kontra ken ni Romauldez, iti baet a nasurok a makatawenen iti napalabas manipod rimmuar ti isyu ngem saan a nagsarita kontra iti dati nga speaker.
Innayonna a posibel a makarikna iti nakaru a pressure ni Bonoan ta naka-hospital arrest ken posible a mayakar iti regular a pagbaludan no palubosan dagiti doktor.
Iti agdama ket kinuna ni Fajardo nga awan pay iti naawatda a subpoena manipod Office of the Ombdusman ken nakasaganada a sungbatan iti aniaman a reklamo no mangrugi iti pormal nga imbestigasyon.
