VIGAN CITY- Desidido ti kampo ni ABS Partylist Representative Eugene De Vera nga iapela idiay Korte Suprema ti panangbigbig ti plenaryo ti Kamara kenni Quezon Representative Danilo Suarez a minority leader.
Ti ekslusibo a pannakiuman ti Bombo Radyo Vigan, inpaganetget ni Rep. De vera a maibilang a grave abuse of discretion ti pannakapili ni Suarez a minority leader ta maibasar iti house rules, dagiti agbotos iti nangabak ti house speaker ket otomatiko nga agbalin a paset ti majority nga immunan a pinaboran idi ti korte suprema maibasar iti desisyon da idi 2016 inaig iti Suarez vs Baguilat case.
Inpaganetget ni Rep. De Vera a saan a mabalin nga ag-minority leader ni Suarez ta isuna ti nangidaulo ti pannakapili idi ni Rep. Gloria Macapagal Arroyo kas house speaker ken invalid ti pannaka pili na kas minority leader ta dagiti taga mayorya ti nangbotos kenkuana imbes a dagiti miembro ti minorya
Ti agdama ket isagsaganan ti kampo ni De Vera dagiti dokumento iti ipila da reklamo idiay korte suprema tapno maibasura ti pannakapili a minority leader ni Suarez ta ni De Vera ti pudno ken ligal a minority leader ti Kamara.
