Mangnamnama dagiti supporter ni Pinoy Olympian EJ Obiena a saan a maapektaran iti dakkel a rally ken bagyo inton Setyembre 21 ti kaunaan nga international pole vault event iti pagilian nga isu ti Atletang Ayala World Pole Vault Challenge, nga idaulwan ti top Filipino vaulter.
Mapasamak ti prestihioso a laban idiay Ayala Triangle Gardens, Makati ket manamnama a dumar-ay dagiti agbuya tapno imatangan ti world class competition iti pole vault, maysa a naisangsangayan a gundaway iti pakasaritaan ti sports ditoy pagilian.
Segun kadagiti organizer, makikamkammayetdan iti lokal a gobierno ken dagiti otoridad tapno masigurado ti kinaurnos ti aglawlaw iti venue.
Ti World Pole Vault Challenge ket paset iti adbokasiya ni Obiena nga ingato ti lebel ti athletics iti pagilian ken inspiraran dagiti agtutubo.
