--Ads--
Saan nga umanamong ti kampo ni dati a Pres. Rodrigo Duterte iti kiddaw ti prosecution iti International Criminal Court (ICC) a ma-access dagiti personal a gamitna ken ma-freeze ti aniaman a kuarta a nakumpiskar kalpasan a nakemmeg ken naipan idiay The Hague idi napan a tawen.
Segun ti depensa, saanen a kasapulan ti panag-freeze iti kuarta ta adda daytan iti Registry iti ICC.
No pay kasta ket no paboran ti hukom ti kiddaw, kalikagumda a masigurado a saan a makissayan ti gatad iti aniaman a nakumpiskar a kuarta.
Kiniddaw pay ti kampo ti dati a presidente a saan a palubosan a ma-access ti prosecution dagiti naala a tulbek ken dadduma a personal nga alikamen ta mabalin a malabsing ti privacy-na ken karbengan iti privacy dagiti kabagyanna.
-- ADVERTISEMENT --
