--Ads--
Nagkiddaw ti kampo ni dati a Presidente Rodrigo Duterte iti International Criminal Court a palubosan ida a mangnayon iti ebidensia sakbay ti naituding a confirmation of charges.
Iti petision iti Pre-Trial Chamber 1 a napetsaan iti Pebrero 6, kiniddaw ti kampo nga idadaulwan ti abogado a ni Nicholas Kaufman a mangnayon iti 78 items ti listaan ti ebidensia ti depensa.
Segun iti kampo, naaramid ti petision kalpasan a maadal dagiti 1,242 nga item manipud iti prosekusyon a mabalin nga exculpatory wenno napateg iti panangisagana iti depensa ni Duterte.
Impaganetget pay ti kampo a saan a masagid ti karbengan dagiti biktima, nangruna ta kayes-establisar pay laeng ti legal team ken mayur-urnos pay laeng ti access iti ebidensia.
-- ADVERTISEMENT --
