Insanud ti kampo ni dati a Presidente Rodrigo Duterte ti apela iti decision ti International Criminal Court a saan nga idiskwalipika dagiti abogado a mangibagi iti mapapati a biktima ti war on drugs.
Impasa ni Atty. Nicholas Kaufman ti withdrawal iti ICC Pre-Trial Chamber 1 iti dokumento a napetsaan iti Marso 16.
Dinakamatna ditoy ti immuna a kiddaw ti depensa idi Pebreo 20 nga yapela ti decision ti Pre-Trial Chamber 1 a nagkedked iti mosyon ti depensa nga i-disqualify da Atty. Joel Butuyan ken Atty. Gilbert Andres kas Common Legal Representatives for Victims, ken ni Nicole Acaina kas CLRV case manager.
Maipalagip nga adda pay laeng iti kustodia ti ICC idiay The Hague, Netherlands ni Duterte gapu iti kaso a crimes against humanity gapu iti war on drugs.
