--Ads--
Nangipila iti reklamo ti kampo ti boksingero a ni Eman Bacosa Pacquiao iti Games and Amusement Board kontra iti nakalabanna a ni Rodelyn Perez ken ti referee a ni Jerold Tomeldan gapu iti namin-ano a ‘rabbit punches’ wenno danog iti likud ti ulo a maiparparit iti boxing.
Nangrugi ti reklamo iti laban idi Hunyo 21 para iti PBF Youth lightweight title, ta nangabak ni Perez via majority decision.
Segun iti ina ken manager ni Eman, saan nga aksidente dagiti danog ken dakkel a patangan ti kasasaad ti salun-at ti anakna ngem iti resulta ti laban.
Innayon pay ti kampo ni Pacquiao nga awan ti nagbalin a diskwalipikasion uray no adda illegal punches.
-- ADVERTISEMENT --
Naawat metten ti GAB ti reklamo ket iwayatda ti husto a proseso sakbay ti panangiruarda iti desision.
