--Ads--
Nagkiddaw dagiti abogado ni dati a Presidente Rodrigo Duterte iti International Criminal Court a palubosan ida a mangnayon iti 108 nga ebidensia para iti umadani a confirmation of charges hearing.
Segun iti depensa, napateg dagitoy kadagiti argumento ken saan a makapadakes iti prosekusyon.
Kaaduan kadagiti ebidensia ket manipud met laeng iti prosekusyon, agraman dagiti transcript ken audio-video materials.
Immunan a pinalubosan ti ICC ti panangnayon iti dadduma pay nga ebidensia ken naituding ti panagdengngeg inton Pebrero 23 agingga 27.
-- ADVERTISEMENT --
Kabayatanna, pinasingkedan ni Duterte a saan a dumar-ay iti panagdengngeg ta saanna a bigbigbigen ti hurisdiksion ti ICC, ngem adda kadagiti huwes ti desision no patganda ti kiddawna.
