Nagkiddaw manen dagiti abogado ni Senador Ronald dela Rosa iti Korte Suprema a baliwanda ti immun-una a panangkedkedda iti kiddawda a Temporary Restraining Order (TRO) a manglapped a mangtiliw dagiti otoridad iti senador.
Inrason ti kampo ni Dela Rosa nga immadu ti peggad ti pannakaarestona kalpasan nga inwaragawag ti Department of the Interior and Local Government (DILG) ti P50-M a gunggona para iti pannakatiliwna.
Impaganetget dagiti abogado nga awan pay ti korte a nangideklara nga armado ken napeggad ni Dela Rosa, idinto a kuestionarda met ti legal a pagbatayan ti naipaulog a gunggona.
Pinagkedkedan ti Korte Suprema ti umuna a kiddaw ni Dela Rosa para iti TRO wenno Status Quo Ante Order idi Mayo 20, 2026, a nangtignay iti kampona a nangipila iti mosion a mangtingiting manen iti desision idi Hunio 1.
