VIGAN CITY – Saan nga agsardeng ti kampo ni dati a Senador Ferdinand “Bongbong Marcos” uray no nagdesisyonen ti election tribunal ti Korte Suprema nga ibasura ti election protest na kontra ken ni Vice President Leni Robredo gapu ta patienda a naswitik idi ti 2016 vice presidential election.
Iti pannaki-uman ti Bombo Radyo Vigan ken ni Atty. Vic Rodriguez, pannakangiwat ni dati a Senador Marcos, agingga 2022 ket ituloyda nga ilaban ti nasao a banag ket kayatda a maamuan no ania nagibasaran ti korte suprema iti 15-0 a desisyon iti election protest ta balawenda no dayta ket manual recount wenno karaman iti anullment iti resulta ti eleksion idiay Basilan, Lanao del Sur ken Maguindanao.
Nupay kasta, nakasaganada latta a mangsango iti aniaman a desisyon ti korte suprema ta klaro a naipakitada no kasano a naswitik ti panagbalin a bise presidente ni Marcos.
Nagpanawagan ni Rodriguez iti suporta ti publiko ken ni Marcos ta saanda nga isardeng ti lima a tawenen a kayatda a malawlawagan iti kaso ti eleksyon ti kinabise presidente idi 2016.
