VIGAN CITY – Panang-bully ti Korte Suprema kas Presidential Electoral Tribunal iti ar-aramiden ti kampo ni Vice President Leni Robredo, dayta iti ingunam-gunam ni Atty. Vic Rodriguez, ti pannakangiwat ni dati a Sen. Bongbong Marcos iti pannaki-uman kenkuana ti Bombo Radyo Vigan.
Dayta ket mainaig iti panangipila ti kampo ni Robredo ti mosyon idiay korte tapnu maikkan da iti kopya inaig iti resulta ti election protest nga inpila ti dati a senador.
Inlawlawag pay ni Rodriguez a saan a ti panagtugaw ni Marcos kas bise presidente iti kalkalikaguman da nu di ket iti pannakaduktal iti pudno a napasamak iti vice presidential elections idi 2016.
Agsipud iti dayta, kiniddaw ti abogado ti dati a senador iti bangir a kampo nga isardeng da dagiti naduma-duma a propaganda nga ar-aramiden da tapnu laeng i-bully ken i-harass ti PET ken Korte Suprema tapnu laeng pumabor kadakuada iti desisyon da.
