Agkidkiddaw ti kampo ni dati a House Speaker Ferdinand Martin Romualdez iti Ombudsman nga agbalin a patas kadagiti alegasion maipapan flood control scam.
Kayatda a maammuan no adda baro a statement ni dati a DPWH Secretary Manuel Bonoan wenno dagiti 28 a baro a saksi a mai-ugnay ken ni Romualdez iti isyu.
Pinasingkedan ti kampo a rumbeng a maikkanda iti umdas a panawen a sumungbat bayat nga adda pay laeng iti preliminary investigation ti kaso kalpasan ti supplemental affidavit ken kiddaw ni Romualdez a maisardeng ti imbestigasion.
Segun iti kampona, awanen ti umdas a mapagtalkan nga ebidensia kontra iti dati nga Speaker kalpasan a nagsubli ti sumagmamano a saksi iti alegasionda ken awan ti direkta a pammabasol manipud kadagiti opisial ti DPWH.
