--Ads--
Inlawlawag ti kampo ni Coco Martin nga awan ti koneksyon ti aktor iti aniaman a klase iti sugal wenno online gaming platforms nga agwarwaras iti online ken impaganetgetna a saanna nga ien-endorso.
Segun ti CCM Film Production idi Mierkules, aniaman nga endorcement, post iti social media wenno material a mangipakita ti nagan, rupa wenno koneksyon ken ni Coco iti gambling ket saan nga otorisado.
Binalakadan ti kampo iti publiko nga agbalin nga alisto ken liklikan ti pannakipaset iti nasao a klase iti promosyon.
