VIGAN CITY- Namnamen ni Isabela Congressman Rodito Albano a mapapigsa t kampanya tapno maipalubos ti medical marijuana ditoy pagilian gapu iti suporta ni Miss Universe 2018 Catriona Gray kas maibasar iti sungbat na iti question and answer iti Miss Universe Coronation idiay Bangkok ,Thailand idi kalman.
Ti exclusive interview ti Bombo Radyo Vigan, kinuna ni Albano nga isu ti main-author ti House Bill Number 180 wenno Philippine Compassionate Medical Cannabis Act , manamnama a maluktan manen ti isyu ti medical marijuana ket mabalin pay nga aramiden da a spokesperson ni gray nangruna itatta a dakkel ti impluwensya na ta nakoronaan a miss universe.
Ti agdama ket addan iti maikadwa a pannakaibasa na ti nasao a gakat ket tarigagayan ni Albano a matratar to iti panagsubli ti sesyon ti Kongreso inton umay a tawen.
