VIGAN CITY – Nag-presscon ni Police Col. Emmanuel Reyes nga Officer-in-Charge idi kalman idiay Ilocos Sur Police Provincial Office kas panangpapigsa iti kampania kontra iti illegal a panagsugal a kas bilin ni Philippine National Police Lt. Gen. Archie Francisco Gamboa tapno maikkaten iti parikot kontra iti illegal a sugal.
Segun kenni Reyes, manipod 2nd Quarter ti 2019 agingga January 24 ket nangisayangkat ti PPO ti tallo pulo ket dua nga anti-illegal gambling operation a nakakemmegan dagiti naglabsing a sangagasut dua pulo ket lima (125) a violators ken nakaalaan ti tallo pulo ket maysa a ribo lima gasut walo pulo ket pito a pisos (PHP 31, 587) a kwarta a pusta da.
Dagiti maibilang a gambling offenses ket nabigbig ken agpenalty iti salinong ti republic act 9287 nga isu iti panagay-ayam iti baraha, Cara Y Cruz, Fruit game machine, illegal cockfighting ken Jueteng.
Nagballaag ti ISPPO kadagiti aglabsing a saan nga agsardeng dagiti otoridad iti panangitantudo ken panangpapigsa iti nasao a kampanya iti intero a probinsia ket dagiti chief of police a saan a makaaramid iti trabahona a mangpasardeng iti panagsugalan iti lugar a masakupan da ket maikkat iti puwesto.
Gapu iti dayta, al-allukoyen ni Reyes dagiti umili a makikooperarda kadagiti otoridad babaen iti panangipakammo dagiti aktibidad iti lugarda ket impasiguradona iti insigida a panagrespondeda.
Mainaig dayta, nakemmeg dagiti naglabsing ti Presidential Decree 1602 ken Republic Act 9287 nga isu da Reymar Arconado, agtawen dua pulo ket lima (25), naasawaan; Mark Arconado, agtawen dua pulo ket tallo (23), naasawaan; Loreto Caabay Cabrillas, agtawen lima pulo ket siam (29), naasawaan; Ryan Samilin, agtawen tallo pulo (30), baro; Sonny Cabuena, agtawen dua pulo ket siam (29), baro; Gilbert Caabay, agtawen uppat a pulo ket uppat (44), baro; Fernando Rabang, agtawen innem a pulo ket walo (68), nga agpapada nga agnaed idiay Brgy Cagayugan, Narvacan gapu iti panagsusugalda idi kalman iti nasao a lugar.
Dayta ket babaen iti panagtitinnulong dagiti kameng ti Narvacan Municipal Police Station ken AMP; CIDG ISPPO, PIB ISPPO ken Galimuyod Municipal Police Station iti panangisayangkatda iti anti-illegal gambling operation ket naaktuan da iti panagay-ayamda iti tong-its, pusoy dos ken amp; mahjong.
Gapu iti dayta ket naala dagiti dua a set iti baraha, maysa a set iti mahjong, pito a monobloc a tugaw, tallo a naaramid iti kayo a lamisaan ken ti pusta nga aggatad dua ribo uppat a gasut uppat a pulo ket dua a pisos iti naduma-duma a denominations.
