Maipariten iti amin a klase iti panagkampania ita nga aldaw ta iyetnag ti Commission on Elections (Comelec) ti mandatory campaign silence period kasangwanan ti election day.
Dayta ket maigiddan ti pannakaipatungpal payen ti nationwide liquor ban ita nga aldaw, May 11, 2025.
Inallukoy ti Comelec amin a kandidato ken supporters a rugianen ti panagikkat kadagiti campaign materials pakairamanan ti dakkel a tarpaulin ta maibilang dayta itan a panaglabsing ti election rules.
Segun ken ni Comelec Chairman George Erwin Garcia, kiddawna iti panagikkaten ta amangan nu maibilang laeng a panagkampania pay laeng, kasta payen a saana mailaksid ti panagkampania iti social media ta masapul nga isardengen iti panagpost kadagiti kandidato.
Impalagpna pay kadagiti kandidato a liklikan iti agpasyar ken agallukoy ti mangibotos kadakuada ta maibilang a last-minute campaigning dayta.
