VIGAN CITY – Isayangkaten ti House Committee on Human Rights ti imbestigasyon inaig ti nadara a kampania kontra ti droga iti administrasyon ni dati a President Rodrigo Duterte.
Segun ken ni Chairman ti Komite a ni Manila 6th District Representative Bienvenido Abante Jr., kangrunaan a makita ti imbestigasyon ti mapapati nga insidente ti extradition killings iti salinong ti war on drugs.
Iti panagdenggeg a naituding inton May 22 ket maikkan ti gundaway nga agsarita dagiti nagannak dagiti biktima ti extrajudicial killing ken war on drugs kangrunaan kadagiti nagannak dagiti menor de edad a napapatay.
Sinigurado met ni Abante a maisayangkat ti imbestigasyon a patas, objective, sensitibo ken narespeto.
Karaman ti plano a sumango ti panagdenggeg da dati a Justice Secretary Menardo Guevarra, dati a PNP Chief Oscar Albayalde, ken dagiti opisyal ti National Capital Region Police Office.
VIDEO – REP. BENNY ABANTE JR.
