Rugyanen ti Philippine National Police ti nalawa nga information drive mainaig iti online safety kadagiti komunidad ken pagadalan kas paset ti kampania tapno protektaran dagiti netizens.
Segun ken ni PNP chief Gen. Jose Melencio C. Nartatez Jr., gagem na daytoy a palawaen ti community-based crime prevention programs ken public safety babaen ti panagtitinnulong dagiti ahensia ti gobierno, lokal a grupo ken umili.
Nabilin dagiti police unit nga ituloy ti cyber safety awareness activities kadagiti pagadalan, barangay, unibersidad ken komunidad.
Nagisayangkat pay ti information drive dagiti police cybercrime unit manipud Setyembre 11 agingga 18 idiay Quezon, Ilocos Norte, Catanduanes, Aklan, Negros Island Region, Zamboanga City, Sarangani ken sumagmamano a paset ti Northern Mindanao.
Karaman iti natratar dagiti online scams, makapadudua a links ken messages, cyber-bullying, madi a panagaramat ti personal information, unsafe online interactions, cybersecurity threats ken online radicalization.
