VIGAN CITY – Binisita dagiti kameng ti National Police Commission (NAPOLCOM) iti Ilocos Sur Provincial Police Office (ISPPO) ken dagiti police station iti probinsia.
Iti pannaki-uman ti Bombo Radyo Vigan kenni Atty. Joseph Apolonio, NAPOLCOM Provincial Officer, iti panagbisitada kadagiti naduma-duma a PNP station ket nakitada nga adda pay ti masapulda a suruten ta dagiti dadduma a pasdek ket kasapulan pay a mapasayaat agingga agleppas ti agdama a tawen ta paset iti Annual Inspection and Audit.
Kasta pay a kitaenda dagiti amin a record, suplay, accounting, communication system, uniporme, atm, lisensya dagiti paltog ken nu adda pay ti makapukaw a paltog a posible a maidalan ti internal discipline wenno mapilaan ti kaso.
Nangrugi iti panagbisitada kadagiti station idi February 14 iti agdama a tawen.
