Vigan City – Nadundunor iti nadumaduma a paset iti bagi ni Roger Rabillas, agtawen ti uppat a pulo, naasawaan, kameng ti Bureau of Jail Management and Penology nga agnaed idiay Brgy. Calay-ab Sto. Domingo ta pinaltogan iti namin-ano a daras ni Joseph Mauricio, agtawen ti uppat a pulo, naasawaan, caretaker nga agnaed idiay Zone I, Bantay idi rabii.
Segun ken ni John Paul Asuncion, nakitana a pinaltogan ti suspek ti biktima iti namin-ano a daras ket insigida a naglibas kalpasan iti pammaltog.
Impakammo ni Asuncion iti napasamak kadagiti pannakabagi ti linteg a nagrespondeanda ket naipan idiay Metro Vigan Cooperative Hospital ti biktima para iti pannakatamingna.
Kabayatanna, saan pay a naduktalan no ania iti paltog iti inaramat ti suspek iso a maisaysayangkaten iti imbestigasyon inaig iti nasao a pammaltog.
