Pinatibker ti Kamara de Representantes ti maysa a resolusyon iti session idi martes tapno bigbigen ni Filipina tennis star Alexandra Eala kalpasan iti inaramidna a pakasaritaan kas kaunaan a Pilipino a nangabak ti Women’s Tennis Association (WTA) singles title idiay United States.
Segun ken ni House Majority Leader ken Ilocos Norte Rep. Ferdinand Alexander Marcos a maysa kadagiti nangputar iti House Resolution 1286, rumbeng nga ipannakkel iti tunggal Pilipino ti balligi a nagun-od ni Eala para iti bagina ken iti pagilian.
Kinuna ni Marcos a dagiti balligi ni Eala idiay Amerika ken kadagiti immunan a torneona ket mangipakita iti lubong ti kinatibker, tibker iti patinakem ken panagrambak dagiti Pilipino.
Nagun-od pay ni Eala ti kampeonato iti women’s singles iti 2026 Mubadala DC Open, ti kadakkelan a titulo iti personal a karerana, kalpasan nga inabakna ti world no. 3 ken top seed iti torneo a ni Jessica Pegula.
