Pinasingkedan ni Speaker Faustino “Bojie” Dy III ti kinapateg ti nakalukat ken nalinteg a konsultasion iti publiko bayat a rinugyanen ti House of Representatives ti nationwide consultations iti gakat nga Anti Political Dynasty Act.
Gagem ti konsultasion a maala ti nalawa a kapanunutan dagiti umili mainaig iti nadakamat a patangan.
Ti immuna a konsultasion ket napasamak idiay Carsigma Gym, Sugar Road, Carmona City iti panangidaulo ni Lanao del Sur 1st District Rep. Zia Alonto Adiong ken isu ti Chair ti House Committee on Electoral Reforms and Suffrage.
Pinasingkedan ni Dy a ti konsultasion ket paset iti commitment ti Kamara a bumokel ti napateg a linteg babaen iti transparent ken accountable a diyalogo kadagiti Pilipino.
Innayon pay ti opisial a nabayagen nga ur-urayen ti publiko ti reporma nga ti konsultasion ti agbalin a wagas tapno maibaga dagiti agduduma nga opinion sakbay ng aramiden ti decision.
