Imbestigaran ti House Committee on Justice nga idadauluan ni Batangas 2nd District Rep. Gervillo Luistro ti extradition request ti Amerika ken ni Pastor Apollo Quiboloy tapno agbalin a nalawag iti mapapati nga isyu iti proseso.
Ti pannakaisayangkat ti motu proprio investigation ket gapu iti kiddaw ni Akbayan Party-list Rep. Perci Cendaña, a nagpanawagan iti komite ni Luistro a mangisayangkat iti inquiry in aid of legislation mainaig ti extradition request ken ni Quiboloy.
Ti pormal a mosyon tapno matuloy iti imbestigasyon ket impila ni Committee Vice Chairman, Bukidnon 2nd District Rep. Jonathan Keith Flores.
Inaprubaran ni Luistro ti mosyon kalpasan nga awan ti kimmontra manipod kadagiti miembro, ngem sakbay dayta ket naisayangkat pay iti nainget a panagtratar dagiti agpampanday linteg mainaig iti kasapulan nga imbestigasyon.
Segun ken ni Cendaña, dua iti napateg a linteg ti rumbeng a mapagpatangan, ti 1994 extradition treaty iti nagbaetan iti Amerika ken Pilipinas, ken ti PD1069 wenno Philippine Extradition Law a nagbalin a linteg idi 1977.
