Pinasingkedan ni House Speaker Ferdinand Martin Romualdez nga agsagsaganan iti Kamara de Repesentantes tapno agipila ti motion for reconsideration iti pangngeddeng ti Korte Suprema a mangdeklarar ti impeachment complaint kontra ken ni Vice President Sara Duterte.
Immunan a naideklarar nga unconstitutional ti Korte Suprema ti reklamo kontra ti bise presidente.
Segun kadagiti mahistrado, linabsing ti Kamara ti one-year ban iti impeachment proceedings.
Saanda a nasurot ti due process pakairamanan ti karbengan a manggeg ni Vice President Duterte sakbay a maipatulod idiay Senado ti complaint.
Iti baet a naibasura ti impeachment, inlawlawag ti SC a mabalin nga agipila manen ti kaso kalpasan ti makatawen.
Kinuna met ni spokesperson Princess Abante, ti panagipila ti motion ket paset ti akemda tapno isalakan ti Constitutional power iti Kongreso iti panangisayangkat ti impeachment.
Kabayatanna, insingasing da Sen. Kiko Pangilinan ti panagaramat ti Doctrine of Operative Facts kas argumento iti mosyon.
Gagem dayta a mabigbig dagiti epekto ti impeacgment sakbayda nga ideklarar nga unconstitutional ken allukoyen ti Supreme Court nga adalen manen ti nasao a pangngeddeng.
