Binabalaw dagiti lider ti kamara ni Bise Presidente Sara Duterte gapu iti desisionna a saan nga umatendar iti hearing ti House Blue Ribbon Committee maipapan iti confidential funds.
Maipalagip nga immunan a kinuna ti Bise Presidente a mangipasa iti written affidavit, maysa a tignay nga inladawan dagiti agpapanday-linteg a kas “deliberate evasion of accountability” ken taktika tapno maliklikan ti imbestigasyon.
Ikalintegan da House Assistant Majority Leader Jay Khongkun ken House Deputy Majority Leader Paolo Ortega, a ti panagkedked ni Duterte a mangsango kadagiti saludsod ket mangpataud iti suspetsa ken mangdadael iti panagtalek ti publiko.
Immunan nga immatendar ni Duterte iti initial hearing ngem nagkedked nga agsapata wenno sumungbat kadagiti saludsod.
Inyunay-unay dagiti agpapanday-linteg ti kinapateg ti transparency ken inallukoyda ni Duterte nga ikonsiderar na ti desisionna kas public servant.
