Pinasingkedan ni House Prosecution Team member Rep. Joel Chua a sigurado nga i-revise iti Kamara iti Rules on Impeachment-da.
Dayta ket kasaruno ti pinal a pangngeddeng ti Supreme Court a naideklarar nga unconstitutional ti impeachment ni Vice President Sara Duterte.
Segun ken ni Chua, makitaripnong isuna kadagiti kakaduana iti Kamara no kasano iti kasayaatan a panangbaliw iti pagannurotan karaman iti panangdengngeg ti input dagiti nagipila ti impeachment complaint, sumagmamano kadakuada ket agdama a miembron iti House.
Posible a maaddaan pay iti panagbaliw iti komposisyon ti Prosecution Team.
Kabayatanna, kinuna met ni Rep. Jonathan Keith “Atty John” Flores nga adda lugar iti Kamara tapno suroten ti desisyon ti Supreme Court. bayat a mapagtaltalinaed ti co-equal authority iti House iti impeachment matters.
Ti baro a pagannurotan ket kasapulan a naannad a matratar tapno isayangkat ti due process nga ipatpatungpal iti Korte Suprema.
