Imbilin ni President Ferdinand Marcos Jr. ken ni Department of Education Secretarty Juan Edgardo Sonny Angara iti public ken private school teachers ken dadduma pay nga ahensya iti gobierno iti intero a pagilian nga agtitinnulong ken pasayaaten ti kalidad iti edukasyon iti pagilian kagiddan ti selebrasyon ti 2024 National Teacher’s Day idi kalman.
Segun ken ni President Marcos, kaduana ni DepEd Sec. Sonny Angara ken government agencies a mangituloy iti dekalidad nga edukasyon, ipangato ti karbengan dagiti mangisursuro ken adaptaren ti kasapulan.
Balakadna kadagiti mangisursuro nga itultuloyda iti panangisuroda kadagiti estudyante ta adda kadakuada iti masakbayan.
Namnamen ti administrasyon a makatulong dagiti mangisursuro tapno magun-od ti baro a pagilian a kalkalikaguman.
