Kalidad ti biag ti 39% kadagiti Pinoy, simmayaat kalpasan ti sangapulo ket dua a bulan – SWS

Mamati ti 39 percent a nataengan a Pilipino a simmayaat ti kalidad ti biagda iti naglabas a tawen, kas maibasar iti resulta ti survey ti Social Weather Stations.

Makita iti survey a naaramid manipud June 23-July 1, 2024, 23 percent kadagiti respondent ti nagkuna a rimmigat ti biagda idinto a 37 percent ti nagkuna nga awan ti nagbaliwanna.

Gapu dayta, pinasingkedan ti SWS a nagresulta daytoy iti net gainers score a +15, maibilang a “very high”.

Nagmarka met ti June 2024 score ti 10 point improvement manipud iti dati a survey idi March 2024 nga adda fair rating na a +5.