Nakemmeg idiay Pampanga ti maysa pay a suspek ti mapapati a kaso a human trafficking in persons kontra kada dati a Presidential Spokesperson Atty. Harry Roque ken Cassandra Ong.
Ti suspek ket nabigbig a ni Mariano a maysa kadagiti uppat a pulo ket siam a co-accused da Roque ken Ong.
Segun ti Criminal Investigation and Detection Group, nakemmeg ni Mariano idiay Clark, Pampanga idi Sabado.
Ni Mariano ket maysa kadagiti security guard a naka-duty idi napasamak iti mapapati a human trafficking iti Lucky South 99 Outsourcing Inc., maysa a Philippine Offshore Gaming Operator (POGO) idiay Porac, Pampanga.
Maipalagip a dagiti arrest warrant kontra ken ni Roque, Ong ken dadduma pay a karaman iti krimen ket inruar ti Regional Trial Court iti Angeles City idi May 15, 2004.
