VIGAN CITY – Inlawlawag ni Baby Chan, maysa nga agtagilako kadagiti pampaswerte wenno lucky charm kagiddan ti umadani a Chinese New Year ti kayatna a sawen dagiti nadumaduma a banag nga ilaklakona.
Segun ken ni Chan, para kadakuada a Chinese, ti water rabbit ti ibilangda a kaswertean kadagiti amin a zodiac sign iti Chinese agsipud ta ipasimudaagna ti namnama ken panagdur-as.
Ti met tikoy a maysa kadagiti nalatak a sagana tunggal selebraran ti Chinese New Year ket ipasimudaagna ti sweet life, sweet family, happiness, strong bond ken unity agsipud ta daytoy ngarud a taraon ket napigket.
No met Ang Pao, kayatna a sawen ket good wish ken good luck para iti maipaayan a tao.
Para kadakuada a Chinese, addada iti bukodda a pagtaengan tunggal Chinese New Year tapno rambakanda a sangapamilia.
