Kinumpirmaranen ni Gilas Pilipinas head coach Tim Cone a makadua iti fourth window iti 2027 FIFA World Cup Asian Qualifiers ni Kai Sotto.
Segun ken ni Cone, simmabak ni Sotto iti ensayoda idi Lunes.
Kinunana nga agbalin a tulbek ti pannangabak ti Gilas ni Sotto a ti naudin a nagay-am iti national team idi 2025 FIBA Asia Cup Qualifiers.
Manipod idi ket saanen a nakaay-ayam ti 7-foot-3 kalpasan a nagsagaba ti anterior cruciate ligament (ACL) iti akin-kannigid a tumengna idi Enero 2025.
Malaksid ken ni Sotto ket manamnama pay iti panagay-ayam ni Justin Brownlee nga agpapalaing iti injury-na.
Adda sangapulo nga aldaw ti Gilas Pilipinas tapno saganaan ti torneo.
Makasango ti Gilas ti Jordan inton August 28 idinto a ti Iran ket inton August 30 a mapasak ditoy pagilian.
