Sinigurado ti Malakanyang nga agtalinaed ti Kadiwa ng Bagong Bayaning Mangingisda Program para kadagiti Pilipino a mangngalap agingga agtapos ti termino ni President Ferdinand Marcos Jr.
Gagem dayta a magun-od ti food security ken paingeten ti presensya iti West Philippine Sea.
Segun ken ni Presidential Communications Office Undersecretary ken Palace Press Officer Claire Castro, ti government-owned fish carrier M/V MAMAMALAKAYA ket gimmatang ti 20.3 a tonelada a napresko nga ikan manipod lokal a mangngalap manipod nangrugi ti KBBM program idi May 9.
Iti salinong ti KBBM program ti Philippine Coast Guard (PCG) ken Bureau of Fisheries and Aquatic Resources (BFAR), ti MV MAMALAKAYA ket naideploy iti kabaybayan iti asideg ti Bajo de Masinloc tapno direkta a makagatang iti napresko nga ikan manipod kadagiti lokal a mangngalap.
Ti vessel ket mangted ti subsidiya wenno tulong pinansyal para iti crude oil ken yelo tapno tulongan dagiti mannalon a marigata ti transportasyon ken dadduma pay a magastos.
