Kadakkelan nga aerial display iti fictional character, naaramat iti umabot 5K a drones

Naaramid iti kadakkelan nga aerial display iti maysa a fictional character babaen iti 4,979 multirotors wenno drones.

Ti rekord ket naaramid iti Sky Elements Drone Shows idiay Las Vegas, Nevada, USA a nakabuklanda iti higante nga imahe ni Vecna, maysa a kangrunaan a kontrabida iti serye nga Stranger Things.

Ti nasao a performance ket nabigbig a “Largest Aerial display of a fictional character formed by multirotos/drones.

Dayta ket mangipakita iti makapabilib a panagkadua iti teknolohia, sining ken entertainment babaen iti rinibo a panaggigiddan a panagpatayab iti drones.