Agtaltalinaed a normal ti sitwasyon ti kabaybayan iti ili ti Sta. Catalina iti baet ti pangta ti tsunami gapu kadagiti nagsasaruno a gingined a nangdayyeg iti lugar.
Iti pannaki-uman ti Bombo Radyo Vigan ken ni PDRRMO Rhon Arquelada, agtultuloy ti pannakikinnammayetda kadagiti municipal disaster risk reduction and management council tapno mamonitor ti sasaaden ti kabaybayan kadagiti coastal area ti probinsia.
Sipud pay December 17 nga adda mapaspasamak a gingined iti kabaybayan ti Sta. Catalina nga asideg iti Manila trench a napasarunwan iti pakabuklan a walopulo ket innem nga aftershock.
December 19 ket nairekord ti kaaduan ken kapigsaan a magnitude 5.0.
Iti agdama, awan pay laeng ti nairekord nga evacuees ngem nabalakadan dagiti agindeg nga agalerto – amwenda dagiti evacuation site iti lugarda tapno naal-alisto iti panagbakwitda no bilang mapasamak ti tsunami ken imonitorda ti damag.
