Ti escalator ti maysa kadagiti imbensyon a dakkel ti tulongna kadagiti tattao ta makauli ken makababada iti kadsaaran dagiti pasdek a saandan a mabannug.
Ngem kasla awan ti kastoy nga ipaay ti naibilang a “world’s shortest escalator”, naawagan a ‘Petitcalator’ wenno ‘Puchicalator’, masarakan iti basement ti maysa a department store idiay Kawasaki City, Japan nga agrukod iti 83.4 centimeters wenno 2.74 feet.
Idi naglukat ti department store idi 1989, kayat dagiti designer nga isilpo ti underground level iti kaasidegna nga Azalea underground shopping center ngem saan a perpekto ti alignment isu a pinagbalinda laengen a conventional stair ken escalator.
Ad-adda a maibilang a tourist attraction ngem iti usarna koma kas klase ti teknolohia a mangpalag-an iti biag dagiti tattao.
