VIGAN CITY – Pinasingkedan ni Gov. Ryan Singson a gapu ti Delta, Uk ken South African variant a nadetect ditoy probinsia ti rason no apay nga immadu dagiti kaso ti Covid19.
Segun ken ni Gov. Singson, dagiti siam a nairekord a natay idi napan laeng a lawas ti maysa kadagiti makapadanag ta umaboten iti walopulo ti bilang dagiti natay.
Impasigurado ti gobernador nga ar-aramidenda ti kabaelanda tapno malapdan ti panagserrek dagiti variants ditoy probinsia agsipud ta kiniddawda idin iti national government a maisakup ti probinsia iti Modified Enhanced Community Quarantine tapno saanen nga umado ti kaso ngem saan pay a naaprubaran.
Nupay kasta, imbilinna ti nainget a border controls ken panagtitinnulong dagiti local government officials nga agtignay kadagiti lugarda.